الكوسه

الكوسا خضار إيطالية من الجنوب وهي من أنواع القرع، كانت الناس تاكلها نية متل الخيار، وغالباً بالسلطة، وما كان الها اعتبار بالسوق باوروبا. لحد القرن ١٨ لما طبخها الطليان أوّل مرة.

وصلت زراعة الكوسا لسوريا عن طريق التجار البنادقة بالقرن ١٣ وعن طريق خان البنادقة تحديداً بحلب.

أوّل مين حشا الكوسا وطبخها محشية هم السورييّن على طريقة الدولمه (المحشي) بالقرن ١٣، وصارت من المازات الأيّوبية.

من بعد السوريّين وصلت المصريّين لمّا انتشرت الأكلة بمصر عن طريق مطابخ الأمراء الأيّوبييّن والمماليك ابتداء من القرن ١٣.

خلال القرن ١٨ اشتغل بمصر العثمانية شيفيّة طليان تعلّموا “المحشي” ونقلوا الأكلة لجنوب إيطاليا، ومن وقتها عرفت الناس باوروبا فكرة طبخ الكوسا بدل أكلها نية.

يعني السورييّن طبخوا الكوسا من القرن ١٣، وبقيت أوروبا تاكلها نية للقرن ١٨، لزمها اوروبا خمس قرون لتتعلم إنّ الكوسا بتنطبخ.

لولا تصدير الطليان الكوسا لسوريا ما كان حدا عرف إنها بتنطبخ، ومن وقتها بلّشت تطلع أفكار طبخ الكوسا بأشكال والوان.

شاركني رأيك

The short URL of the present article is: https://wp.me/pacTxK-42