إظهار 23 النتائج
خريطة أصول أنواع الپاستا الإيطالية

خريطة أصول أنواع الپاستا الإيطالية

لاستكشاف تاريخ الپاستا وأصولها العربية والآسيوية انقر هنا من الجنوب نحو الشمال: من صقليه: سپگتّي النيرو دي سپّي Spaghetti Al Nero di seppia: الشعريه مع حبر الحبّار الأسود پاستا كون لى سارده Pasta con le sarde، باللّغة الصقليّه پاستا گيه سارده: الشعرية مع السردين پاستا ألّا نورما Pasta alla Norma: پاستا نورما، معكرونه (إطرية) مع …

تاريخ المنسف

المنسف، ثريد اللّحم، طبخ عربي أساسه الكبسه وبيتميز عنها باستخدام اللبن الخاثر. المكوّنات الأساسية للكبسه هي البرغل والسمن واللحم، غالباً لحم الضأن، وتسمية الكبسه اجت أساساً من فعل الكبس أثناء طبخها، كانت تنكبس كلّ المكوّنات مع بعضها داخل جرّه من الفخار وتنطبخ على النار. الفخاره نفسها يلي منسميها اليوم طاجين أو طاجن أو طاگ أو …

السموسه البخارية

السمبوسك – السموسه البخارية

اليوم حابب احكيلكن عن أكلة بخاريه اسمها سَموسَه، يلّي إلها مكانة خاصّة جداً بالمطبخ البخاري وبمطابخ وسط آسيا بشكل عام مع حضور قوي بكل المناسبات. وهي من الأكلات المفضلة عندي وكانت فطوري اليومي تقريباً بالشام. منعرفها كلياتنا بالعربي باسم سمبوسك أو سنبوسك أو سنبوسچ، من أجمل وأعرق الأكلات المنتشرة حول العالم، مع تشكيلة واسعة جداً …

الحلاوة الطحينية

بعرف شب آيسلاندي ببرلين، ضيفته مرة علبة حلاوة طحينية، واتفاجأ فيها لمّا فتحناها… إنو “شو هي؟” و”من شو هي؟” وشرحتله إنها أكله حلو عربية معمولة من السمسم وبتتاكل كتحلاية أو وجبة أكل عادية، وعلى مضض وعلى خوف علّمته كيف باكلها مع شوية زبدة وخبزة بيضا. داق وانفرد وجهه من الطعمة، طار عقله. بعد يومين بيتصل …

المطبخ الألماني

اليوم حابب احكي عن المطبخ الألماني، طالما أغلبنا بهالگروب عايش بالمانيا وبين الألمان، ودايماً منقارن بين مطبخنا السوري والأكلات الالمانية. أوّل ما وصلت المانيا كان عندي الانطباع الموجود عند كلّ السوريّين، إنه الأكل الألماني سيّء، والمطبخ الألماني ضعيف. وحتى إنّي كنت قول من خمس سنين انّه الألمان ما عندهم مطبخ. اليوم وبعد إقامة خمس سنين …

مسالا

دايماً منسمع بأسماء خلطات البهارات الهندية كلمة “مسالا” متل تيكا مسالا وگرم مسالا وسلام مسالا وغيرها. حابب وضّح معنى هالكلمة وأصلها اللغوي لحتّى نفهم روح المطابخ الهندية، ومفهوم الطبخ عن سكان الهند. كلمة مسالا، مساله، باللغة الهندوستانية معناها اليوم “خليط” ومعناها كمان “مناسب” يعني مثلاً ممكن يمرق استخدامها على لسان الهندي بالشكل التالي: خليط من …

ألوان زيت الزيتون

اليوم بدي احكي عن زيت الزيتون والوانه، طبعاً لازم وضح إني ماني خبير بزيت الزيتون، والمعلومات يلي رح تقرأها هلأ هي نتيجة بحث بتدوينات ومقالات خبراء زيت الزيتون باللّغات الإنكليزية والإيطالية. زيت الزيتون بيجي بالوان مختلفة، من الأصفر الشاحب حتى الأخضر الداكن، ومهم نعرف إنه كلما مال لون الزيت للأخضر كلما كانت نوعيته صحيّاً أفضل، لكن …

أنواع الأرز الشائعة بالسوق

الأرز البسمتي: هو الأرز الهندي المقشور بدون سلق، لكن متروكة عليه القشرة الداخلية، طبخه متوسط الصعوبة، وهو الأرز المفضل بمطاعم البلدان من الهند شرقاً وحتى البحر الأحمر. ٩٥٪ من إنتاج البسمتي بالعالم بيجي من منطقة الپُنجاب الهندية. الأرز المزّه: هو الأرز البسمتي المسلوق قبل التقشير. سهل الطبخ لأنه ما بعجّن ولا بلبصن بسهولة، غذائياً هالرز …

الهيطلية السورية

الهيطلية أو المهلّبية، من أهمّ وألطف حلويات الصيف السورية، كتير مننا بحبوها لأنها ببساطة لذيذة كتير. الهيطلية من حلويات الحليب، بتسبق البوظة بالعمر وبتقاربها بالاستخدام التجاري، قبل البوظة. منشأ الهيطلية بيرجع للقرن الخامس، لما كان في شعب اسمه الهياطلة؛ حاكم دولة واسعة اسمها الهيطلية Hephthalite Empire. الهياطلة كانوا بدو شامان من القبائل التوركيه، بياكلوا وبقدسوا …

‫علم السندويش‬

‫السندويشة أساساً كلمة إنگليزية بتعبّر عن قطعتين خبز بيناتهم أكل، بالشامي منسميها عروسة لأن المحلات كانت تبيعها ملفوفة بورق أبيض، متل العروس، والعروسة عبارة عن خبز مرقّد ملفوف على أكل.‬ ‫البعض عرّب كلمة سندويشة بكلمة شطيرة، كون الخبزة مشطورة من الوسط متل البرگر، لكن هالتعريب مو زابط مع السندويش المعمول من قطع خبز متل التوست …

‫تقنيات الطبخ السورية‬

‫الطبخ ببساطة هو فن تحضير الأكل للأكل، وليصير هضمه أسهل، والطبخ بيعتمد دايماً على استعمال الحرارة. وكرمال استعمال الحرارة في تقنيات كتير حول العالم، بتعكس خصوصيّة البيئة والماديات، والتقاليد الثقافية والعادات. وطبعاً أساليب وتقنيّات الطبخ متغيّر بحسب خبرة الشخص ومهاراته، وحجم التدريب بماضيه.‬ ‫باللّغة العربية الطبخ هو أحد مراحل الطهي، يعني الطهي بيشتمل على كامل …

‫وحدة من أهمّ الصناعات السورية “مؤامرة عالمية”‬

‫سنة 2008 مَلو هلسا ورنا سلام بيشتغلوا سوا على كتاب بالإنگليزية بعنوان “الحياة السريّة للملابس الداخلية النسائية السورية: الحميمية والتصميم” Secret Life of Syrian Lingerie: Intimacy and Design، وتم نشر الكتاب بسانفرانسيسكو بأميركا عن طريق الناشر كرونيكل بوكس Chronicle Books.‬ ‫ملو هلسا كاتبة أميركية، ورنا سلام مصمّمة گرافك لبنانية، وتنيناتهم عايشين بلندن بإنگلترا.‬ ‫سنة 2008 …

أنواع الباذنجان الشائعة عالمياً

محبّة بالبتنجان حبيت اكتب هالتدوينة عن أنواع البتنجان وتاريخه، هدية لمحبّي البتنجان وعشاق طعمه الشهي وتطبيقاته الكتيرة والمتنوعة. شيلا فيورنزو فنانة طبخ أميركية-إيطالية، وكاتبة مهمّة بعالم التغذية، معها درجة ماستر من جامعة إيطالية متخصّصة بعلوم تذوّق الطعام. شيلا مصرّة دايماً على تسمية البتنجان “الباذنجان المجيد” وبتذكره بكتاباتها بعبارة Glorious Eggplant وما بتقبل ينذكر البتنجان بدون …

‫دانون، من العثمانية للعالمية‬

‫من التاريخ الصناعي ومن الآثار الباقية للدولة العثمانية البائدة في عالمنا، انتشار مادة اللّبن الرائب بالعالم، وتحوّلها لوحدة من أهم العناصر الغذائية بحياة أغلب شعوب العالم.‬ ‫بداية ما عرفت أوروپا اللّبن الرائب قبل القرن السادس عشر، رغم انتشار ثقافة تخثير اللّبن بمنطقة الشرق الأوسط ووسط آسيا من ٤٥٠٠ سنة.‬ ‫وصل اللّبن الرائب أوروپا الغربيّة عن …

نكهة أُمامي

مطاعم العالم العربي وأوروبا مولعة مؤخراً بنكهة يابانية اسمها نكهة أُمامي فحبّيت احكيلكم حكاية هالنكهة. نكهات الأكل الأساسية المعروفة خمسة، هي الحلاوة، الحموضة، المرارة، الملوحة، والنكهة الخامسة الأُمامي. كلّياتنا منعرف شو هي النكهات الأربعة الأولى لكن ليش الخامسة إلها اسم غريب؟ تسمية أُمامي Umami هي تسمية يابانية معناها (نكهة لذيذة فاتحة للشهيّة) اكتشفها خبير كيميائي …

الكوسه

الكوسا خضار إيطالية من الجنوب وهي من أنواع القرع، كانت الناس تاكلها نية متل الخيار، وغالباً بالسلطة، وما كان الها اعتبار بالسوق باوروبا. لحد القرن ١٨ لما طبخها الطليان أوّل مرة. وصلت زراعة الكوسا لسوريا عن طريق التجار البنادقة بالقرن ١٣ وعن طريق خان البنادقة تحديداً بحلب. أوّل مين حشا الكوسا وطبخها محشية هم السورييّن …

المازات وتقاليدها

المازات وتقاليدها من أقدم عادات المطبخ السوري، تسميتها الأصلية “مزّات” صيغة جمع مفردها “مزّه” من الفعل “مز” وبدمشق منحكيه “مزمزه”، لكن بالعصر العثماني تحوّلت الكلمة لصارت “مازات”. الكلمة دخلت اللّغة العثمانيّة من الفارسيّة “مزّه” ومعناها “دواق” ذات المعنى الشامي، وانتشر مفهوم المازات بالشرق الأوسط بالعهد السلجوقي. لكن أصل الكلمتين السورية والفارسية هو الفعل “مزو” الآشوري …

اللّبن الخاثر

اللّبن هو اسم هالمادة ببلاد الشام والعراق (سوريا)، اسمه العربي الفصيح الرَّوب واسمه العربي المشرقي الرائب أو الرايب، بينما اسمه العربي المغربي الخاثر، واسمه بمصر ووادي النيل عموماً زبادي، نسبة لسكبه بالزبادي على الموائد فصار لبن الزبادي، واسمه بالعثمانيّة يوغورت عن التركيّة يوغُرت، المحوّر عن الفعل الصُغدي يوغُن بمعنى كثيف أو تقيل… يعني حليب تقيل. …

خلطة السبع بهارات العربية

كتير منستخدم بمطابخنا الشامية خلطة منسميها ببساطة “بهارات” وبتدخل بكتير من الوصفات السورية، اسمها التجاري “الخلطة العربية” أو “البهارات العربية” ومستخدمة اليوم بأغلب المطاعم حول العالم. وفي جدال كبير على منشأها هل هو لبناني أو سوري أو فلسطيني، لكن بكل حال اسمها الاحترافي العالمي هو “خلطة سبع بهارات عربية” ونزلت ع السوق كما يقال خلال …

تاريخ المحاشي

الكوسا محشي أكلة إلها جلالتها بكل البيوت السورية بلا استثناء، وبالأخص الشاميّة (بلاد الشام). الكوسا محشي أكلة عريقة جداً وبتاريخ مهم، خصوصاً وإنها بتنتمي لعيلة المحاشي من مطبخ المازات ذو المكانة العالية بمطابخ أغلب قارّة آسيا وسواحل المتوسط الشمالية. عيلة المحاشي اسمها العالمي دولمه، وهي التسمية القديمة من العصر الروماني ويمكن أقدم، كلمة تركية صُغدية …